BANSA AYAT

Bansa Ayat

• Sebengkah chara dikena nentu lalu netapka bansa ayat jaku Iban iya nya ari ti              beratika serengut lagu jaku (intonasyen) serta tuju ayat.
•  Bansa ayat dibiah ngagai 4 bagi :

                   a)    Ayat penerang
                   b)    Ayat tanya
                   c)    Ayat perintah
                   d)    Ayat tekenyit

1.    Ayat penerang

•  Ayat ti disebut enggau tuju meri peneran
• Ayat penerang ngembuan tuju nerangka hal tauka penerang senentang     
• sesebengkah pekara.
•  Ayat penerang tu mega disebut ayat berita
•     Chunto ayat :

-       Kathy pengajar.

-       Don tinduk.

-       Orang bujang nya tuchum lebuh malik ngagai aku.

-       Tapang bansa kayu ti tinggi.

-       Pengajar Nancy ngajar nembiak.

2.    Ayat tanya

·         Ayat tanya dikena nanya sesebengkah pekara.

·         Leka jaku ti diagih dikena nanya  ayat tanya tau dibagi ngagai dua bengkah:-

Ayat tanya nadai mai jaku tanya	Ayat tanya ti nadai mai jaku              tanya nya ayat ti suah disebut          enggau entak sebut ti tinggi              sebedau senai ba ujung ayat.  Dalam pengawa  betulis                    entak sebut tanya dikelai                  enggau   tanda tanya (?)
	chunto ayat :         =         Apai Kibin menijar                              kilang  nya? =     Diana nyabak? =     Mary nemuai ngagai menua                        Korea?          =     Indu dara nya pemalu?
Ayat tanya mai jaku tanya	› Ayat tanya ti mai jaku tanya              nya ayat ti ngena jaku tanya              baka nama, sapa, berapa,                kemaya enggau ti bukai. Ayat   ti baka tu bisi dua raban:          i.        Ayat tanya enggau  jaku           ganti nama          tanya.          ii.        Ayat tanya enggau jaku            penempat        Ayat tanya enggau jaku                    ganti nama         tanya tu                   dipeda ba leman predikat                 baka chunto di baruh tu. =    Utai nya nama? =    Menyadi nuan ni?

3.    Ayat perintah

•            Ayat perintah iya nya ayat ti disebut enggau tuju ngangkatka timbal.  
•           Ayat perintah ditujuka ngagai orang kedua lalu ngena jaku ganti nama orang           kedua baka nuan, kita enggau ke bukai tang suah agi ganti nama tadi                     ditingkilka. 
•        Ari tukuh leka jaku ti dikena dia ayat perintah tau dibagi ngagai empat bengkah.

Ayat asuh	•          Ayat asuh nya ayat ti disebut enggau tuju                               meri                   perintah tauka ngasuh ngereja pengawa.       •          Dalam ayat asuh subjek nya jaku ganti                                   nama   orang kedua baka nuan, kita ti suah                           agi ditingkilka .         •          Taja pia laban tuju endang ngengkang                                   sereta  nyata nya alai subjek tau mega                                  disebut.       •          Chunto:                       =       Pansut ari kelas tu!                       =    Irup ai nya!
Ayat tagang	Ayat ti ngena jaku tagang baka anang,                          ditagang  enggau enda ibuh sebedau jaku                    pengawa  enggau tuju nagang siku-siku orang              ari ngereja sesebengkah pengawa   Chunto: =    Anang duduk ditu =    Enda ibuh kiruh ke iya =    Anang kin =    Ditagang nginsap
Ayat pengelalu	Ayat pengelalu nya ayat ti ngena jaku                          pengelalu lalu enggau tuju ngelalu tauka basa              lebuh nerima penatai siku-siku orang.       Suah agi jaku pengelalu dikena ba pun ayat                 baka ba chunto di baruh tu.               =       Lalu meh niki ke rumah kami.               =       Lalu tama ke bilik.
Ayat peminta	Ayat peminta nya ayat ti ngena jaku peminta               minta enggau tuju minta ngena chara lembut               baka ba chunto di baruh tu.                      =    Minta kita sekelas anang ragak.                       =   Minta nuan nuchi chapak tu.                      =   Minta nuan nusi pesan tu.

4.    Ayat tekenyit

•     Ayat ti disebut enggau intonasyen tekenyit kena mantaika geragayak ati baka               tekenyit, ringat, gidan, pedis enggau mayuh agi ke bukai
•     Intonasyen tekenyit tau dipandangka dalam kereja betulis enggau tanda (!) ti                suah agi diengkahka ba ujung ayat
•     Jaku tekenyit ti suah dikena nya baka apu, chis, ah dih, pui, nyah, oh, wah,               eh, nya, amat nya enggau ti buka
•     Chunto ayat :

=     Apu, manah amat rumah panjai nya!
=   Chis, berani iya mantah jaku aku!
=     Eh, ukai iya bepansa enggau tu!