JAKU PENGAWA

Jaku Pengawa

PENGELALA

•         Jaku dikena nyebut pengawa tauka utai ti nyadi baikka dikereja ngagai utai    bukai      tauka nyadi ba diri empu.
•        Leka jaku ti nyadi teras ngagai pasuk tauka konstruk frasa pengawa 

  a) Jaku pengawa ukai transitif

•       Jaku pengawa ke nadai begunaka penembu tauka objek entudika iya 
•       Dibiah ngagai dua bagi iya nya jaku pengawa ukai transitif nadai penembu enggau jaku pengawa ukai transitif bepenembu. 
•        Raban jaku ti nadai nerima objek terus.
•        Iya mega tau diimbai rentayan jaku penerang ti nyadi ke penembu ayat nya. 

    1 ) Jaku pengawa ukai transitif nadai penembu

•        Ulih bediri kediri.
•        Nadai disukung objek tauka penyambut.
•        Chunto ayat :

        =     Sima benung tinduk.

              =      Sida Rani sebilik benung makai.

              =      Sida Umang benung raun. 

•        Jaku pengawa tu mega ulih dientudika enggau leman penerang ngambika meri penegap ngagai ayat ke digaga.

         = Sima benung tinduk ba bilik besai. 

                = Sida Rani sebilik benung makai di dapur. 

                = Sida Umang benung raun ke Kota Kinabalu. 

              2) Jaku pengawa ukai transitif bepenembu

•       Jaku pengawa ukai transitif bepenembu mesti dientudika enggau penembu ngambika ngayanka reti ti nyemetak agi.
•       Objek tauka penyambut mesti datai pengudah jaku nama ukai transitif lalu nerima proses pasif 
•        Ayat ti ngunda penembu enda ulih dipasifka. 
•        Chunto ayat :

             = Gurang benung gawa di Kuching.

                   = Penyakit Umang enyau belinsur gerai.

                   = Senia dipadu kepala pengajar nyadi ketuai kelas.

•        Leka jaku ke chundung nya mandangka jaku pengawa ukai transitif.
•        Leka jaku entudi leka jaku ke chundung nya mandangka penembu dalam siti-siti ayat. 
•        Enti ayat nya enda disempulang enggau penembu, ayat nya nadai mai reti ke nyemetak. 
•       Ayat nya mega enda ulih dipasifka laban nadai penembu. 

b) Jaku pengawa transitif

•       Jaku pengawa ke ditangkanka enggau jaku nama ti nyadi objek ke penyambut iya. 
•       Chunto : muai, meresi, muji.
•       Dibiah ngagai dua iya nya jaku pengawa transitif beguna dalam ayat pasif enggau jaku pengawa transitif beguna dalam ayat pasif.