KONSEP ENGGAU BIDANG LINGUISTIK

PENEMU EDWARD SAPIR ENGGAU FERDINAND DE SAUSSURE SENENTANG KONSEP ENGGGAU PAMPANG LINGUISTIK.

Nitihka penemu Nik Hassan Basri (2009), tebangkar Edward Sapir enggau Ferdinand De Saussure sekeda ari tebangkar ke meri penemu senetang linguistik struktral. Kedua-dua tebangkar tu sama bela mantaika buah runding sida senentang bidang linguistik.

Ba pikir runding tebangkar tu, jaku mandangka beguna ari sukut sosial. Jaku ke dikena beguna bendar nyadika jalai bekomunikasyen enggau orang ngeliling kitai  dikena napi penanggul sereta proses sosial. Mensia ulih ditachang ari jaku lebuh maya deka bekomunikasyen. Kitai ditachang ari jaku ketegal ari kurang terminologi dalam jaku, enda landik sereta meretika jaku ke dikena sereta kurang macha bup tauka artikel.

Ari pekara ngeliling kitai mega, kitai ngasilka leka jaku kediri empu. Kebuah pia, mensia ngulihka penemu tauka peneleba ari pengawa ke dikereja besari-sari. Dalam jaku, leka jaku ke dikena sama reti sereta pekara ke deka dikenatai sebaka tang bebida munyi tauka sepil nitihka siti-siti bansa jaku. Ambi ke chunto:

Tebangkar Ferdinand De Saussure mega bisi mantaika penemu senentang bidang linguistik. Nitihka penemu Mangantar Simanjuntak (1987), tebangkar tu tebilang dalam pnemu bidang linguistik moden lalu dikelala orang siku ari pengepun linguistik deskriptif. Ferdinand miah empat penemu ke besai senentang pengerembai penemu linguistik.

Keterubah, penemu ke dikenang Ferdinand iya nya langue enggau parole. Langue iya nya mandangka jaku siti sebagi ari sistem tukuh enggau kontras yang disimpan dalam pikir runding orang ke ngena jaku. Ba senentang parole, iya mandangka jaku ke dikena siku-siku orang ke bebida. Lebuh maya bejaku, chara intonaysen sekali tinggi tauka baruh sereta variasyen jaku ke dikena bebida tajapan orang ke ngena jaku nya semenua.

Kelimpah ari nya, penemu ke dikenang Ferdinand iya nya tanda linguistik. Tanda linguistik tu ulih diperatika nengah dua bagi iya nya signifier tauka signifie enggau signifier tauka significant. Nitihka penemu Mangantar Simanjuntak (1987),signifie tauka signified mandangka konsep-konsep ke datai ari gambar tauka munyi ari tanda tauka kelai lalu signifian tauka signifier mandangka kelai ari sukut munyi tauka gambar. Ambi ke chunto baka leka jaku ‘kali’

Penemu Ferdinand ti ketiga senentang bidang lingustik iya nya kaul sintagmatik enggau paradigmatik. Ba senentang kaul sintagmatik, iya mandangka kaul ti nentika reti. kaul sintagmatik tu siti ari kaul ke ujur. Ambi ke chunto leka jaku ‘ buai’ tauka b/u/a/i. kaul tu mandangka unit leka jaku ke dikena lebuh mantaika reti. Kaul paradigmatik iya nya kaul ke nyadi lebuh ba dalam siti sistem tauka kelas jaku. Kaul tu mandangka ubah guna leka jaku dalam ayat.

Kepenudi iya, penemu tebangkar tu senentang bidang linguistik iya nya sinkronik enggau diakronik. Sinkronik iya nya pansik senentang jaku ke nya siti sistem ke beguna. Diakronik iya nya pansik jaku ke  ngiga evolusyen histori sechara betingkat.

Simpul iya, tebangkar Edward Sapir enggau Ferdinand De Saussure ngembuan penemu kediri empu senentang bidang linguistik. Disimpulka bidang lingustik tu siti pampang ke mansik jaku sekalika ari sukut ayat, jalai jaku tauka struktur jaku.