TEBANGKAR : BENEDICT SANDIN

BIODATA TEBANGKAR BENEDICT SANDIN 

Benedict sandin ada dalam taun 1918 di Kerangan Pinggai, Paku Saribas. Ari taun 1935 iya besekula di St. Augustine, di Betong. Alalu ari taun 1935 ngagai taun 1939 iya nampung pelajarba sekula St. Thomas di Kuching. Iya masuk kereja perintah nyadi keranidalam taun 1941. Sekumbang nya, lalu ngagai ujung taun 1941, iya gawa ba mayuh bengkah endur dalam sitak kedua. Berengkah ari pun taun 1950 iya betukar gawa lalu keterubah nyadi pengarang surat pemberita ba Opis Pelajar ba Kuching. Dalam taun 1952 iya betukar gawa baru lalu nyadi Junior Assistant Curator ba Sarawak Museum di Kuching.

Ari ujung taun 1953 ngagai taun 1954 iya belajar ka pengawa Museum ba University College di Auckland, New Zealand. Dalam taun 1957 iya ditiki ka pangkat nyadi Research Assistant ba Sarawak Museum.

Dalam taun 1963 iya ngari ka Sarawak Museum ngagai Aum Adat Asal Orang Asia Tenggara ba Singapore University. Iya mega udah belajar ka pengawa Museum di India. Nyadi dalam ujung taun 1966 dia iya ditetap ka megai pengawa nyadi Curator Sarawak Museum. Iya megai pengawa nya ke endang dikangkun sereta dikemeran ka iya bendar datai iya ngetu laban udah chukup umur endur badu kereja perintah dalam taun 1973.

Nyadi ketegal laban pengeras enggau pengerajin iya bepansik, betulis ke jerita sereta mega ketegal pemendar iya gawa ngemansang ka Meseum dia iya udah dititah perintah lalu diberi pangkat ke dikumbai Ahli Bintang Sarawak dalam taun 1964. Dudi agi ari nya iya lalu bulih pangkat Pegawai Bintang Sarawak enggau Kesatria Mangku Negara. Surat Gawai Pangkong Tiang tu nambah ke pemayuh surat bukai ke udah ditulis iya.